Plantun de Prouvènço

Pèr coumpara dos planto d'encò nostre

Barbarea vulgaris & Sonchus asper

Erbo-de-santo-Barbo

Barbarea vulgaris

Brassicaceae

Àutri noum : Gras-cap, Gras-capou, Creissoun-de-jardin, Creissoun-de-terro.

Noms en français : Barbarée commune, Herbe aux charpentiers.

Descripcioun :
La mai coumuno de nòstis erbo-de-santo-barbo. Trachis en ribo d'aigo o dins li prado proun umido. Li fueio d'en aut soun pas divisado au contro de li d'en bas. Lou darrié tros di fueio basalo èi quàsi redoun.

Usanço :
Li jòuini fueio se manjon en ensalado. Pamens se fau mesfissa, coume pèr lou creissoun, de l'endervo (douvo dóu fege). Pèr èstre segur li fau faire couire.

Port : Grando erbo
Taio : 20 à 80(100) cm
Fueio : alterno
Tipe bioulougico : Emicriptoufite
Cicle bioulougico :

Gènre : Barbarea
Famiho : Brassicaceae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Ribiero - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Barbarea vulgaris R.Br., 1812

Cardello(-espinouso)

Sonchus asper

Asteraceae Compositae

Àutri noum : Cardello, Lachenco, Lacheiroun.

Noms en français : Laiteron rude, Laiteron épineux.

Descripcioun :
Aquelo cardello, coume tóuti, fai de la un cop coupado (lachenco). Se destrìo de sa cousino Sonchus oleraceus qu'a li fuèio emé d'auriheto roundo (fotò) e peréu touto bourdado de pichot pougnoun. Coumpara emé la cardello o emé la subsp. glaucescens .

Usanço :
Pòu rintra dins la coumpousicioun de l'ensalado champanello, pamens emé si pougnoun tant vaudrié miés d'èstre manjado cuecho. S'èi retrouba dins la planto de lactono sesquiterpèno que pourrien ajuda à lucha countro lou plasmodium, aquéu que douno lou paludisme.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Sonchus
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Escoumbre e proche dis oustau
Estànci : Termoumediterran à Mountagnard
Couroulougi : Pancaro entresigna
Ref. sc. : Sonchus asper (L.) Hill, 1769

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Barbarea vulgaris & Sonchus asper

ges

Coumpara Erbo-de-santo-Barbo emé uno autro planto

Coumpara Cardello(-espinouso) emé uno autro planto